香港新浪網 MySinaBlog
« 上一篇 | 下一篇 »
| 6th Oct 2010 | 選舉道德 | (58 Reads)

有一大段時間, 可能因為喜歡飲酒, 又夜訓, 攪到個人好水腫.  於是, 下了一點決心, 跑步起來~

確實難以置信, 中學生時代會很有動力去做運動, 一放學就去打波, 踩單車. (當然, 我硬係唔知點解永世都唔曉高...) 到讀副學士了, 大學了, 工作了. 居所無定, 工作無定, 乜野都唔定, 失眠唔定, 頹廢唔定. 總之, 個人就硬係冇動力去運動.

 

但今日,  我竟然跑步三十分鐘, 做sit up, 扭腰機, 練三頭肌... 實在滿懷感慨!! 一方面失去了以前做gym 的恆心, 另一方面, 運動過後出一身汗, 乜野頭痛都冇哂, 壓力又細啲, 心情又靚啲. 實在突然想起一句"成功爭取"跑步三十分鐘黎表揚一下自己,令自己開懷一點, 達到自慰的快感!!

話說回來, 我認真地思考一個問題: 為什麼我會用"成功爭取" 呢?? 一黎, 我係貪口爽, 不屑一些議員冇做過野, 但係又會喺banner 度寫"成功爭取xxxx", 呢種領功領到出臉的精神, 我唯有寫個服字. 例如, 有議員會寫 "xxx議員與你分享公屋免租成果". 查實, 呢句說話, 雖然冇"成功爭取xxxx", 但係不道自破, 街坊會覺得這個議員好無謂, 因為公屋免租擺明係曾蔭權上年司政報告嘅內容黎, 所以咁寫banner 內容黎計,確實有點九唔搭八.   領功領到出臉的精神, "值得嘉許".

既然我不屑"成功爭取"的講法,  那麼, 為什麼我對"成功爭取跑步三十分鐘"有種莫明的興奮? 實情係: 我好耐未認真去做運動了!!!  可能對於平時有運動的朋友而言, 三十分鐘是很平常的事. 但對我而言, 卻是一種懷愐過去的感覺, 也是一種帶有成功感的情緒上的抒發. 沒有什麼言詞比"成功爭取"更加成功! 自慰得那麼的心曠神怡, 那麼的身心舒泰. 最後, 我都係好頂唔順自己. 寫了這篇"成功爭取的心態--成功爭取跑步三十分鐘 "去疏解自己的罪惡感~

成功...成功...成功...